सांस्कृतिक भवनाच्या प्रकरणाकडे सरपंच , सचिवांचे दुर्लक्ष

सांस्कृतिक भवनाच्या प्रकरणाकडे सरपंच , सचिवांचे दुर्लक्ष

पालकमंत्री चंद्रशेखर बावनकुळे यांच्या सह संबंधित अधिकाऱ्यांचा आदेशाची अव्हेलना

कन्हान : - पारशिवनी तालुक्यातील जुनी कामठी ग्रामपंचायत अंतर्गत वार्ड क्रमांक २ येथील सांस्कृतिक भवनाच्या प्रकरणाकडे सरपंच सविता इरपाते आणि सचिव रजनी  कुंचलवार डोकेझाक करीत आहे . पालकमंत्री चंद्रशेखर बावनकुळे यांच्या सह संबंधित अधिकाऱ्यांनी तात्काळ कारवाई चे आदेश दिल्याने सरपंच सविता इरपाते व सचिव रजनी कुंचलवार यांनी आदेशाची अव्हेलना केल्याचा आरोप नागरिकांन कडुन होत असल्याने प्रशासनाच्या भुमीकेवर प्रश्न निर्माण झाले असुन प्रशासन कोणाच्या दबावात काम करीत आहे,असा गंभीर प्रश्न निर्माण झाला आहे .

जुनी कामठी येथे सांस्कृतिक भवनाचे नाव परमात्मा एक व्यसन मुक्तीभवन झाले कसे , या मुद्यावरुन वातावरण चांगलेच तापले आहे .या मुद्यावरुन ग्रामपंचायत ने ग्रामसभा आयोजित केली होती . त्यात गावकऱ्यांनी आपले मत मांडत समाजभवन प्रत्येक समाजाच्या लोकांसाठी उपयोग आणावे , अशी मागणी केल्यानंतर सरपंच सविता इरपाते यांनी समाज भवन प्रत्येक समाजाच्या लोकांसाठी मिळवून देईल असे आश्वासन दिले होते , परंतु सरपंच सविता इरपाते यांचे आश्वासन वेळ काढुपणाचे राहिले .

माजी सरपंच आणि विद्यामान सदस्य राहुल ढोके यांच्या काळात ग्रामपंचायत प्रशासनाने सांस्कृतिक भवन या नावाने ठराव दिला होता . ठराव मंजूर झाल्याने प्रधानमंत्री खनिन क्षेत्र कल्याण योजनेंतर्गत सांस्कृतिक भवन बांधण्यात आले . भवनाची जवाबदारी सरपंच सविता इरपाते आणि सचिव रजनी कुंचलवार यांच्याकडे असतांना प्रशासनाने भवनाची चाबी काही ठराविक लोकांकडे दिली . सांस्कृतिक भवन नाव खोडून परमात्मा एक व्यसनमुक्ती भवन असे नाव देण्यात आले आहे , नाव केव्हा बदलविले याची माहिती ग्रामपंचायत प्रशासनाकडे नाही आहे . जेव्हा भवनाचे बदलविले तेव्हा सरपंच सविता इरपाते , सचिव रजनी कुंचलवार झोपा काढत होते का ? असे प्रश्न नागरिक विचारत असुन त्यांचा कार्यप्रणालीवर प्रश्न चिन्ह निर्माण झाले आहे . 

पालकमंत्री चंद्रशेखर बावनकुळे यांच्या आदेशाची अव्हेलना

या मुद्या वरुन गावकऱ्यांनी माजी सरपंच आणि विद्यामान सदस्य राहुल ढोके यांच्या नेतृत्वात पालकमंत्री चंद्रशेखर बावनकुळे , राज्यमंत्री आणि आमदार आशिष जयस्वाल , जिल्हा परिषद कार्यकारी अधिकारी , गटविकास अधिकारी पंचायत समिति पाशिवनी यांचा सह संबंधित विभागाच्या अधिकाऱ्यांना निवेदन देऊन तात्काळ शासकीय सांस्कृतिक भवन गावकऱ्यांसाठी खुले करून द्यावे , अशी मागणी केली होती . चंद्रशेखर बावनकुळे आणि अधिकाऱ्यांनी विषयाला गांभीर्याने घेत सरपंच , सचिवाला पत्र देऊन योग्य कारवाई चे आदेश दिले , परंतु प्रशासनाने कुठल्याही प्रकारची कार्यवाही केली नाही . वर्षभरा पासुन रखडलेल्या हा मुद्या वर सरपंच व सचिव कुठल्याही प्रकारची कार्यवाही करत नसल्याने गावकऱ्यांन मध्ये प्रशासना विरुद्ध तीव्र रोष निर्माण झाला आहे .

सरपंच आणि सचिवांनी वर्षभरात कार्यवाही का नाही केली ?

काही ठराविक लोकांनी सांस्कृतिक भवनाचे नाव बदलवल्यानंतर जागृत गावकऱ्यांनी ग्रामपंचायत सरपंच सविता इरपाते व सचिव रजनी कुंचलवार यांची भेट घेऊन परमात्मा एक व्यसनमुक्ती भवन नाव हटवुन सांस्कृतिक भवन नाव देऊन गावकऱ्यांसाठी खुले करून द्यावे , अशी मागणी केली होती , परंतु सरपंचांनी याकडे दुर्लक्ष केल्याने गावकऱ्यांनी ह्याच मुद्यावरुन पालकमंत्री चंद्रशेखर बावनकुळे आणि राज्यमंत्री आशिष जयस्वाल व अधिकाऱ्यांना निवेदन दिले , त्यांनी योग्य कारवाई चे आदेश दिले , परंतु वर्षभरा पासुन सरपंच व सचिव यांनी कुठलीही कारवाई केली नाही ? त्यामुळे सरपंच व सचिव दबावात काम करीत आहे , असा आरोप गावकऱ्यांन कडुन होत आहे .

चंद्रशेखर बावनकुळे व उपमुख्य कार्यकारी अधिकारी यांना निवेदन

सांस्कृतिक भवन प्रकरणा कडे ग्रामपंचायत सरपंच व सचिव कुठलीही कारवाई करत नाही आहे , माजी सरपंच आणि विद्यमान सदस्य राहुल ढोके , भुषण इंगोले , ज्ञानेश्वर ऊके , चिंतामण शेंडे , राम जुनघरे , विठ्ठल उके , उकुंदराव देवगडे यांचा सह इतर गावकऱ्यांनी पालकमंत्री चंद्रशेखर बावनकुळे आणि उपमुख्य कार्यकारी अधिकारी जिल्हा परिषद नागपुर यांना निवेदन देऊन भवन गावकऱ्यांसाठी खुले करून द्यावे , अशी मागणी केली आहे . यावेळी उपमुख्य कार्यकारी अधिकारी यांनी कुठलीही कारवाई होत नसल्याचे लक्षात घेत बीडीओ सुभाष जाधव आणि सचिव रजनी कुंचलवार यांना दुरध्वनी ने संर्पक केला . मी तुम्हाला कारवाई चे पत्र दिले , कारवाई का नाही केली ? ते ग्रामपंचायत चा हस्तांतरित असुन आपण त्यांना ताबा कसा दिला , कोणत्या नियमा अंतर्गत दिला असे विचारुन फटकार लावली . प्रधानमंत्री खनिज क्षेत्र कल्याण निधी योजनेंतर्गत जो सांस्कृतिक भवन बांधण्यात आले आहे , तो मग सांस्कृतिक भवन असो किंवा परमात्मा एक व्यसन मुक्ति भवन असो , ते शासकीय निधी अंतर्गत बांधण्यात आल्याने ते ग्रामपंचायत च्या हस्तांतरित पाहिजे आणि भवनावर ताला ठोकुन संबंधित ताबा धारकावर 

तातडीने कारवाई करावी , अश्या सुचना दिल्या . त्यामुळे सरपंच व सचिव आता किती दिवसात कारवाई करणार  ? भवन गावकऱ्यांसाठी खुले करणार काय ? या कडे संपुर्ण गावकऱ्यांचे लक्ष लागले आहे .

कन्हान प्रतिनिधि - ऋषभ बावनकर