Advertisement

“एक भारत, सर्वोत्तम भारत” – कन्हान पोलिसांकडून ‘रन फॉर युनिटी’ उपक्रम


“एक भारत, सर्वोत्तम भारत” – कन्हान पोलिसांकडून ‘रन फॉर युनिटी’ उपक्रम


लौहपुरुष सरदार वल्लभभाई पटेल यांच्या जयंतीनिमित्त राष्ट्रीय एकता दिवस साजरा


कन्हान : - लौहपुरुष सरदार वल्लभभाई पटेल यांच्या जयंतीचे औचित्य साधून राष्ट्रीय एकता दिवसानिमित्त कन्हान पोलीस स्टेशन तर्फे “रन फॉर युनिटी” या उपक्रमाचे आयोजन करण्यात आले. या धाव उपक्रमात पोलिस अधिकारी , कर्मचारी आणि नागरिकांनी उत्साहाने सहभाग घेतला. या प्रसंगी राष्ट्रीय एकात्मता, ड्रग्जमुक्त समाज आणि सायबर सुरक्षा जागरूकता याबाबतही संदेश देण्यात आले. 


केंद्र सरकारच्या आदेशानुसार देशभरात “रन फॉर युनिटी”चे आयोजन करण्यात आले असून, नागपूर ग्रामीण पोलिसांनी जिल्ह्यातील सर्व ठाण्यांमध्ये हा उपक्रम एकाच वेळी राबविला .

शुक्रवार (दि. ३१ ऑक्टोबर) रोजी सकाळी ६ वाजता कन्हान पोलीस स्टेशन समोरून धावण्यास सुरुवात करण्यात आली . उपविभागीय पोलीस अधिकारी डॉ.संतोष गायकवाड आणि पोलीस निरीक्षक वैजयंती मंडवधरे यांच्या नेतृत्वाखाली “एक भारत, सर्वोत्तम भारत” अशा घोषणां सह सहभागी रस्त्यावर उतरले . सुमारे पाच किलोमीटर अंतर धावण्यात आले . हा मार्ग कन्हान पोलीस स्टेशनपासून आंबेडकर चौक , तारसा चौक , सात नंबर नाका , संताजी नगर चौक , भारत माता चौक , कांद्री मार्गे पुन्हा कन्हान पोलीस स्टेशन येथे समापन करण्यात आला .

कार्यक्रमा दरम्यान डॉ.संतोष गायकवाड यांनी सरदार पटेल यांनी ५६२ संस्थानांना एकत्र करून भारताची अखंडता कशी साधली , याची आठवण करून दिली . “ही शर्यत केवळ खेळ नाही, तर आपल्या राष्ट्रीय एकतेचे प्रतीक आहे,” असे ते म्हणाले . पोलीस निरीक्षक वैजयंती मंडवधरे यांनी सरदार पटेल यांच्या जीवन चरित्रावर मार्गदर्शन करत सर्वांना राष्ट्रीय एकता दिनाच्या शुभेच्छा दिल्या . कार्यक्रमाच्या शेवटी अल्पोहार व मिठाईचे वितरण करण्यात आले . शेवटी निरीक्षक मंडवधरे यांनी उपस्थितांचे आभार मानले .

या उपक्रमात कन्हान युथ फाउंडेशनचे विकास कार्यकर्ते सूर्यभान फरकाडे , ऋषभ बावनकर , सुरज वरखडे , तसेच पोलीस पाटील गुंडेराव चकोले , लोमेश्वर गडे , अजय ईखार , नरेंद्र राऊत , पुंडलिक कुरडकर , संदीप नेऊल , संतोष ठाकरे , संजय नेवारे , अरविंद गजभिए , संदीप भोले , चक्रधर वासनिक , प्रदीप ऊके , योगेश नांदुरकर , राहुल कालबेले , कृणाल ब्राम्हणे , कैलाश कारेमोरे , कांचन मस्के , सुषमा मस्के , शालु हरडे , सोनू गेडाम , विकास हटवार , शुभम बल्लारे , शिवाजी चकोले , प्रशांत मसार , दीपक तिवाडे , तसेच शिवशंभू आखाड्याचे कोच अनिकेत निमजे आणि हर्षल कोसरे आदी नागरिक मोठ्या संख्येने सहभागी झाले .

One India, Best India – ‘Run for Unity’ initiative by Kanhan Police

कन्हान प्रतिनिधि - ऋषभ बावनकर

टिप्पणी पोस्ट करा

0 टिप्पण्या