कन्हान : - कन्हान शहरातील शिवाजी नगर येथील विठ्ठल रुक्मिणी मंदिरात विधिवत पूजा अर्चना करुन परिसरात दिंडी यात्रा काढुन भजन कीर्तनाने कार्तिक एकादशी मोठ्या उत्साहात साजरी करण्यात आली .
शिवाजी नगर येथील विठ्ठल रुक्मिणी मंदिरात कार्तिक एकादशी निमित्त विविध कार्यक्रमाचे आयोजन करण्यात आले . सकाळी ६ वाजता जेष्ठ नागरिकांच्या हस्ते विधिवत पूजा अर्चना करुन दिंडी यात्रा काढण्यात आली . यात्रेत जेष्ठ नागरिक मुलचंद शिंदेकर यांनी ढोल व महिलांनी ताळी बाजवली . संपुर्ण परिसर भ्रमण करुन यात्रेचे मंदिरात समापन करण्यात आले . महिलांनी भजन कीर्तन , आरती सह विविध कार्यक्रम केले . प्रसाद वितरण करुन कार्तिक एकादशी मोठ्या उत्साहात साजरी करण्यात आली . कार्यक्रमात महिला , जेष्ठ नागरिक मोठ्या संख्येत उपस्थित होते .
कन्हान प्रतिनिधि - ऋषभ बावनकर
0 टिप्पण्या