आवळेघाटात सर्पदंशाने शेतकरी महिलेचा मृत्यू
📰 पुढाकार प्रेस (२४ तास समाचार) पारशिवनी तालुका प्रतिनिधी- अनिल गजभिये
*पारशिवनी*(दि.4 नोव्हेंबर) पारशिवनी तालुक्यातील आवळेघाट या गावी शेतात कापूस वेचणी करीत असलेल्या शेतकरी महिलेला विषारी सापाने दंश केला. रुग्णालयात उपचारादरम्यान महिलेचा मृत्यू झाला. ही घटना पारशिवनी पोलिस ठाण्याच्या हद्दीतील आवळेघाट गावच्या शिवारात मंगळवारी दुपारी घडली.
सुनीता राजू बेदरे (३८ वर्ष, रा. आवळेघाट, ता. पारशिवनी) असे मृत महिलेचे नाव आहे.
ति मंगळवारी सकाळी स्वतःच्या शेतात कापूस वेचणी करण्यासाठी कुटुंबीयांसह गेली होती. कापूस वेचत असताना विषारी सापाने तिच्या पायाला दंश केला. सुरुवातीला पायाला काहीतरी टोचले असेल असे समजून तिने दुर्लक्ष केले. मात्र काही वेळाने प्रकृती खालावत असल्याचे लक्षात येताच तिच्या पतीने तिला पारशिवनी येथील ग्रामीण रुग्णालयात आणले. तपासणीअंती विषारी सापाने दंश केल्याचे डॉक्टरांनी सांगून तत्काळ उपचार सुरू केले. उपचारादरम्यान तिचा मृत्यू झाला. याप्रकरणी पारशिवनी पोलिसांनी अकस्मात मृत्यूची नोंद करून तपास सुरू केला आहे.
0 टिप्पण्या