ब्रेकींग न्यूज़ चौराई , तोतलाडोह धरणाचे दरवाजे उघडले
नवेगांव खैरी पेंच धरणात जलसाठा वाढतोय , नदी काठावरील गावांना सर्तकतेचा ईशारा
कन्हान : - मध्यप्रदेशील चौराई धरणाचे दरवाजे उघडल्याने आणि तोतलाडोह धरणाच्या पाणलोट क्षेत्रात मोठ्या प्रमाणात पाऊस झाल्याने धरणाची पाणी पातळी सातत्याने वाढत असल्यामुळे तोतलाडोह धरणाचे दोन दरवाजे मंगळवारी दुपार च्या दरम्यान उघडण्यात आले आहे .
नागपुर जिल्ह्यासह , पारशिवनी , रामटेक तालुक्यात मागील काही दिवसान अधुन मधुन जोरदार पाऊस सुरु आहे . तोतलाडोह धरणाच्या पाणलोट क्षेत्रात सुद्धा जोरदार पाऊस झाल्याने धरणाच्या पाणी पातळीत मोठ्या प्रमाणात वाढ झाली आहे . मध्यप्रदेशात सतत पाऊस सुरु असल्याने चौराई धरणाचे दरवाजे उघडण्यात आले . त्यातुन पाण्याचा विसर्ग तोतलाडोह धरणात सुरु असल्याने धरणाच्या पाणी पातळीत मोठी वाढ झाली आहे . धरण सुस्थितीत राखण्याकरिता आणि परिस्थिति नियंत्रणा करिता मंगळवार रोजी दुपार च्या दरम्यान तोतलाडोह धरणाचे दोन दरवाजे उघडण्यात आले .
त्यातुन पाण्याचा विसर्ग नवेगाव खैरी पेंच धरणात होत असल्याने जलसाठा झपाट्याने वाढत आहे . त्यामुळे पेंच धरणाचे दरवाजे उघडण्याची दाट शक्यता नाकारता येत नाही . त्यामुळे कोलार , कन्हान नदी काठावरील गावांना आणि नदी पात्रातुन आवागमन करणाऱ्या नागरिकांनी स्वताची काळजी घ्यावी आणि नागरिकांनी नदी पात्रात जाण्याचे टाळावे असे कडकडीचे आव्हाहन तोतलाडोह धरण अधिकारी देवेंद्र महादुले , नवेगांव खैरी पेंच जलाशय शाखा अधिकारी सुमित लोखंडे यांनी केले आहे .
कन्हान प्रतिनिधि - ऋषभ बावनकर
0 टिप्पण्या