कांद्री येथे दोन दिवसीय विविध कार्यक्रमाने संत गजानन महाराज प्रकट दिवस महोत्सव मोठ्या उत्साहात साजरा

कांद्री येथे दोन दिवसीय विविध कार्यक्रमाने संत गजानन महाराज प्रकट दिवस महोत्सव मोठ्या उत्साहात साजरा

कन्हान  – परिसरातील कांद्री येथे  स्वर्ग श्री सोमाजी गिऱ्हे यांच्या शेतातील श्री संत गजानन महाराज मंदिरात दोन दिवसीय विविध कार्यक्रमाने गजानन महाराज प्रकट दिवस महोत्सव मोठ्या उत्साहात साजरा करण्यात आला .

रविवार दिनांक १२ फेब्रुवारी ला सायंकाळी वार्ड क्रमांक तीन लहान हनुमान मंदिरात विधिवत पूजा पाठ आरती करुन पालखी यात्रा काढण्यात आली . यावेळी विविध ठिकठिकाणी महिलांनी , भाविकांनी , पुजा पाठ करुन , फुलाच्या वर्षाने , अल्पोहार वितरित करुन पालखीचे जोरदार स्वागत करण्यात आले . पालखी विविध मार्गाने भ्रमण करुन पालखीचे स्वर्ग श्री सोमाजी गिऱ्हे यांच्या शेतातील श्री संत गजानन महाराज मंदिरात पुजा पाठ करुन समापन करण्यात आले .

दुसऱ्या दिवशी सोमवार दिनांक १३ फेब्रुवारी ला श्री संत गजानन महाराज मंदिरात सकाळी भाविकांनी पुजा पाठ करुन श्री संत गजानन भजन मंडळ द्वारे भजन कीर्तन कार्यक्रम करण्यात आले . दुपारी गोपालकाला आणि दहीहंडी चा कार्यक्रम करण्यात आला .

त्यानंतर सायंकाळी महाप्रसाद वितरण करुन गजानन महाराज प्रकट दिवस मोठ्या उत्साहात थाटात साजरा करण्यात आला . यावेळी गावकऱ्यांनी मोठ्या संख्येत उपस्थित राहुन सहकार्य केले.

कन्हान प्रतिनिधि – ऋषभ बावनकर