कन्हान पांधन रोड येथे आमदार आशिष जयस्वाल यांच्या हस्ते सेतू कार्यालयाचे उद्घाटन

कन्हान पांधन रोड येथे आमदार आशिष जयस्वाल यांच्या हस्ते सेतू कार्यालयाचे उद्घाटन

कार्यालय उद्घाटन प्रसंगी विविध शिबिरांचे आयोजन , अनेक नागरिकांनी घेतला शिबीरा चा लाभ

कन्हान प्रतिनिधि – ॠषभ बावनकर

कन्हान – कन्हान पांधन रोड येथे समाजसेवक चिंटू वाकुडकर यांचा ( सेतू) जनसंपर्क कार्यालया चे उद्घाटन आमदार ॲड.आशिष जयस्वाल यांच्या हस्ते करण्यात आले आणि विविध शिबिर कार्यक्रम संपन्न करण्यात आले .

सोमवार दिनांक १९ डिसेंबर ला समाजसेवक चिंटु वाकुडकर मित्र परिवार यांच्या वतीने पांधन रोड येथे सेतु कार्यालय उद्घाटन व शिबीर कार्यक्रमाचे आयोजन करण्यात आले होते . रामटेक विधानसभा क्षेत्राचे आमदार अॅड. आशिष जयस्वाल यांच्या हस्ते सेतु कार्यालया चे उद्घाटन करुन शिबीर कार्यक्रमाची सुरवात करण्यात आली . या शिबीरा मध्ये आमदार ॲड.आशिष जयस्वाल यांचे विशेष अभियान आपले आमदार कार्यालय आपल्या दारी राबवण्यात आले . शिबिरा मध्ये नवीन उपभोगतांचे वोटिंग कार्ड – ७०,आधार कार्ड- १०, राशन कार्ड- ४२, निराधार कार्ड- १८, इ श्रम कार्ड – ३४ करण्यात आले .

मुख्यत्वे ऑटो चालक व आशा सेविका यांचा भारतीय डाक विभागाचा अपघाती १० लाखाचा विमा ६३ लोकांचा काढुन शिबीर कार्यक्रम संपन्न करण्यात आले .

या प्रसंगी कन्हान – पिपरी नगरपरिषद नगराध्यक्षा सौ.करुणाताई आष्टणकर , वर्धराजजी पिल्ले , माजी नगरसेवक अनिल भाऊ ठाकरे , यांची प्रमुख उपस्थिती होती .

कार्यक्रमाच्या यशस्वीते करिता समशेर पुरवले , आशीष वानखेडे, मिथूल पौनिकर , छोटू राणे , सोनू खान , अजय चव्हाण , प्रदीप गायकवाड , श्रीकृष्ण माकडे आदी नागरिकांनी उपस्थित राहुन सहकार्य केले .