सिहोरा कन्हान नदी पात्रातुन अवैध रेती वाहतुक करणाऱ्या दोन आरोपींना कन्हान पोलीसांनी पकडले

सिहोरा कन्हान नदी पात्रातुन अवैध रेती वाहतुक करणाऱ्या दोन आरोपींना कन्हान पोलीसांनी पकडले

कारवाई दरम्यान एक ट्रॅक्टर , ट्राॅली आणि एक ब्रास रेती सह एकुण ९ ,०५ , ००० रुपयांचा मुद्देमाल जप्त

कन्हान प्रतिनिधि – ॠषभ बावनकर

कन्हान – कन्हान पोलीस स्टेशन अंतर्गत पुर्वेस पाच किमी अंतरावर असलेल्या सिहोरा कन्हान नदी पात्रातुन अवैध रेती वाहतुक करणाऱ्या दोन आरोपींना कन्हान पोलीसांनी पकडुन त्याच्या जवळुन एक ट्रॅक्टर , ट्राॅली आणि एक ब्रास रेती सह एकुण ९ ,०५ , ००० रुपयांचा मुद्देमाल जप्त करुन पोस्टे ला दोन आरोपी विरुद्ध गुन्हा दाखल करून पुढील तपास सुरु केला आहे .

प्राप्त झालेल्या माहिती नुसार बुधवार दि. २ नोव्हेंबर ला रात्री १ ते १:३० वाजता च्या दरम्यान कन्हान पोलीस स्टेशन चे पोलीस नापोशि मंगेश सोनटक्के , पोशि गणपत सायरे सह आदि पोलीस कर्मचारी आपल्या हद्दी मध्ये पेट्रोलिंग ड्यूटी करीत असतांना गुप्त बातमी दाराकडुन खबर मिळाली की , सिहोरा गावात असलेल्या कन्हान नदीचा पात्रातून ट्रॅक्टरचा साह्याने अवैध रित्या रेतीची चोरी होत आहे . अशा मिळालेल्या विश्वसनीय खबरे वरून कन्हान पोलीस घटनास्थळी पोहचली असता पोलीसांना पाहून सदर ट्रॅक्टर चा चालक हा त्याचे ताब्यातील ट्रॅक्टर सोडून पळून गेला .

कन्हान पोलीसांनी सदर ट्रॅक्टर ची पाहणी केली असता सदर ट्रॅक्टर चा मुंडा विना क्रमांका चा आढळुन आला असुन पोलीसांना घटनास्थळा वर ट्रॅक्टर क्रमांक. एम एच ४० बीई ११२७ किंमत ५.००,०००/- रु , ट्रॉली क्रमांक एम एच ४०४३५१ किंमत ४,००,०००/- रु , व एक बॉस रेती किंमत ५०००/- रु. असा
एकुण ९ ,०५ ,०००/- रु. चा मुद्देमाल पंचासमक्ष मिळून आल्याने कन्हान पोलीसांनी आपल्या ताब्यात घेऊन सरकार तर्फे फिर्यादी पोशि गणपत सायरे यांच्या तक्रारी वरून पोस्टे ला आरोपी १) नरेंद्र रामाजी बेले वय ४९ वर्ष रा.रामनगर कन्हान , २) अशोक रावजी भालावी वय २९ रा.बोरडा निमखेडा यांचा विरुद्ध अप.क्र ६२२/२०२२ कलम ३७९ , १०९ भांदवि अन्वये गुन्हा दाखल केला असुन दोन आरोपीला अटक करण्यात आली असुन गुन्ह्याचा पुढील तपास पोलीस निरीक्षक विलास काळे यांच्या मार्गदर्शनात कन्हान पोलीस स्टेशन चे एसआई गणेश पाल , विरेंद्र चौधरी हे करीत आहे .