कन्हान परिसरात बैल पोळा सण मोठ्या उत्साहात थाटात साजरा
विविध ठिकाणी कार्यक्रमाचे आयोजन करुन बैलांची केली पुजा अर्चना
कन्हान प्रतिनिधि – ॠषभ बावनकर
कन्हान – कन्हान शहरात व परिसरात ह्या वर्षी दोन दिवसीय पोळा सण उत्सव मोठ्या उत्साहात साजरा करण्यात आला असुन विविध गावात बैल व तान्हा पोळा कार्यक्रमाचे आयोजन करुन बैलांची पुजा अर्चना करुन व लहान मुलांना खाद्यपदार्थ स्टेशनरी सामग्री वाटप करुन पोळा सण साजरा करण्यात आला .
कांद्री येथे हनुमान मंदिर परिसरात बैलपोळा कार्यक्रम संपन्न
कांद्री येथे हनुमान मंदिर परिसरात बैलपोळा निमित्य कार्यक्रमाचे आयोजन करण्यात आले असुन कार्यक्रमात वीस ते तीस बैलजोड्या उपस्थित होत्या . यावेळी कांद्री ग्रामपंचायत सरपंच बलवंत पडोळे , उपसरपंच श्यामकुमार ऊर्फ बबलु बर्वे , सदस्य शिवाजी चकोले , चंद्रशेखर बावनकुळे , सदस्या अरुणा हजारे , भाजपा पारशिवनी तालुका अध्यक्ष अतुल हजारे , ओबीसी मोर्चा तालुका अध्यक्ष नरेश पोटभरे सह आदि महिलांनी , नागरिकांनी बैलांची पुजा अर्चना करुन बैलपोळा उत्सव साजरा करण्यात आला . या प्रसंगी गणेश सरोदे , वामन देशमुख , भगवान सावरकर , गुरुदेव चकोले , सौरभ पोटभरे , सह आदि नागरिक मोठ्या संख्येत उपस्थित होते .
टेकाडी हनुमान मंदिर चौकात बैलपोळा कार्यक्रम संपन्न
टेकाडी हनुमान मंदिर चौक संकुलात बैल पोळा कार्यक्रमाचे आयोजन मोठ्या थाटात संपन्न करण्यात आले . कार्यक्रमात शेतकरी सुरेश खोरे , अशोक वासाडे , चिरकुट हुड , सुरेश मोहाडे , महादेव सातपैसे , ईश्वर टाकळखेड यांनी त्यांना आपल्यासाठी देवापेक्षा वरचे मानले . बैलांना वधू प्रमाणे सजवण्यात आले , नंतर मंदिरासमोर उभे करुन त्यांची नागरिकां द्वारे विधिवत पूजा करण्यात आली , त्यानंतर दोन्ही बाजूंनी मोठ्या आवाजात काव्य गायन करण्यात आले गावातील कोतवालने सर्व जोड्यांवर मशाल लावली नंतर तोरण खांबाला तोडून संपवले व सुंदर जोडप्याला बक्षिसे व भेटवस्तू देण्यात आले यावेळी मनोज लेकुरवाडे , अमित वासाडे , रमेश बालपांडे , मनोज बोराडे , नंदू लेकुरवाडे , सतीश घारड , योगेश सावरकर , सचिन भोयर , विशाधर कामडे , हेमत राऊत यांनी सहकार्य केले .
येसंबा गावात बैलपोळा कार्यक्रम संपन्न
येसंबा गावा मध्ये बळीराजा सर्वात मोठा सण बैलपोळा मोठ्या उत्साहात थाटात साजरा करण्यात आला कार्यक्रमात प्रामुख्याने उपस्थित येसंबा ग्रामपंचायत सरपंच धनराज हारोडे यांनी , महिलांनी , नागरिकांनी बैलांची विधिवत पूजा अर्चना करून व प्रसाद वाटप करुन बैलपोळा कार्यक्रम थाटात संपन्न करण्यात आला .
या प्रसंगी येसंबा ग्रामपंचायत सरपंच धनराज हारोडे , उपसरपंच रविन्द्र बांगडे , ग्रामपंचायत सदस्य , सदस्या , कर्मचारी सह गावातील प्रतिष्ठीत नागरिक ,युवा वर्ग आणि बालगोपाल मोठ्या संख्येत उपस्थित होते .
तसेच परिसरात निलज , खंडाळा , वराडा पिपरी सह अनेक ठिकाणी बैल पोळा सण उत्सव मोठ्या उत्साहात थाटात साजरा करण्यात आला .
0 टिप्पण्या