वाघाच्या हल्यात मृत्यू झालेल्या महिलेच्या कुटुंबांना गोवारी समाज नेते कैलाश राऊत यांची सांत्वना भेट

वाघाच्या हल्यात मृत्यू झालेल्या महिलेच्या कुटुंबांना गोवारी समाज नेते कैलाश राऊत यांची सांत्वना भेट

रामटेक : - रामटेक तालुक्यातील आदिवासी बहुल देवालापार क्षेत्रातील पिपरिया येथे बुधवार (दि.७) जानेवारी रोजी संगीता गोपीचंद वगारे शेतात काम करीत असतांना नरभक्षी वाघाच्या हल्यात दुर्दैवी मृत्यू झाला .

पीडित परिवार रोज मजुरी करणारा असून परिवारात गोपीचंद वगारे सह त्यांना तीन मुली आहेत . ही घटना अत्यंत दुःखद असून धक्कादायक आहे . घटनेनंतर परिसरात वाघाची दहशत कायम असून शेतकऱ्यात भीतीचे वातावरण आहे .पीडित परिवाराचे आदिवासी गोवारी समाज नेते व गोवारी समाज अंमलबजावणी व संनियंत्रण समिती , महाराष्ट राज्य (राज्यमंत्री दर्जा) चे अध्यक्ष कैलाश राऊत यांनी भेट देऊन सांत्वन केले .पीडित परिवाराला दुःखद प्रसंगी शासनाकडून आर्थिक मदत मिळून देण्यासाठी प्रयत्न करणार असल्याचे राऊत यांनी सांगितले .

या प्रसंगी आदिवासी गोंड गोवारी सेवा मंडळाचे उपाध्यक्ष अविनाश सोनवाने , नंदकिशोर कोहळे , जीवन राऊत , जयदेव राऊत , बलधारी नेवारे , रवींद्र कोहळे , सुखदेव शेंद्रे , राजू बाबा कवरे , उमेश राऊत , सुनील नेवारे , ब्रम्हांद नेवारे सह समाज बांधव उपस्थित होते .

सह संपादक - ऋषभ बावनकर