जादू जंतर मंतरने पैशाचा पाऊस पाडणाऱ्या टोळी गजाआड तर दोन आरोपी मुरबाड येथील |

जादू जंतर मंतरने पैशाचा पाऊस पाडणाऱ्या टोळी गजाआड 

मुरबाड चे दोन आरोपी सहभागी

ओतूर पोलिसांची दमदार कामगिरी.

आरोपींना तीन दिवसांची पोलिस कष्टडी.

पैशाचा पाउस पाडतो असे सांगुन लोकांची लाखो रुपयांची  फसवणुक करणा-या  टोळीचा ओतुर पोलीसांकडुन पर्दाफाश करण्यात आल्याची माहिती ओतूर पोलिस स्टेशनचे सहाय्यक पोलिस  निरीक्षक लहू थाटे यांनी दिली.

         याबाबत अधिक माहिती अशी की,ओतुर पोलीस स्टेशन हद्दित दि.२० मे २०२५ रोजी सायंकाळी ७.३० वा. चे सुमारास काही भामट्या  इसमांनी जंतर मंतर ने पैशांचा पाऊस पाडून देतो असे सांगून फिर्यादी  पती पत्नीकडून २ लाख रुपये उकळून फसवणूक केली होती, 

याबाबतची  तक्रार ओतुर पोलीस स्टेशन येथे सांगुन दिनांक १/८/२०२५ रोजी सदर इसम हे आणखी दोन इसमांची अशाच प्रकारे ते फसवणुक करणार असल्याचे फिर्यादी यांनी सांगितले. फिर्यादी यांनी दिलेल्या माहिती प्रमाणे दिनांक १/८/२०२५ रोजी सकाळी ११.०० वा. चे सुमारास ओतुर पोलीस स्टेशन पोलीस पथक व स्थानिक गुन्हे अन्वेशन शाखा पुणे ग्रामीण कडील पोलीस पथक यांनी  सापळा रचून सदर  गुन्ह्यातील आरोपी

१) अरूण लिखरे मुकणे, रा. वसद शेलवली, अंबरनाथ, ता. कल्याण, जि.ठाणे, 

२) गौरव विश्वास शिंदे, रा. निमगाव सावा, ता. जुन्नर, जि. पुणे, 

३) राजेंद्र प‌द्माकर भले, रा. मोरोशी, ता. मुरबाड, जि. ठाणे, 

४) रशीद अहमद शेख, रा. बळेगाव टोकावडा, ता. मुरबाड, जि.ठाणे, 

५) गुरुनाथ गंगाराम वाघ, रा. खरोड अंबरनाथ, ता. कल्याण, जि. ठाणे 

असे सर्वजण मौजे खुबी, ता. जुन्नर, जि. पुणे गावचे हद्दित भांगलेवस्ती येथे असलेल्या पत्राशेडजवळ पैशाचा पाउस पाडुन देतो असे सांगुन विश्वासघात करून फसवणुक करत असताना रंगेहात मिळुन आले. 

त्यांना ताब्यात घेवुन विचारपुस केली असता त्यांनी फिर्यादी महीला व तीचे पती यांना पैशाचा पाउस पाडतो असे सांगुन त्यांचेकडुन (२ लाख रूपये) रक्कम घेवुन फसवणुक केली असल्याचे त्यांनी कबूल केले . सदर फसवणुकी बाबत फिर्यादी महीला यांनी आदेश महाराज त्याचे सर्व साथीदार   यांचे विरुद्ध ओतुर पोलीस स्टेशन येथे फिर्याद दिली असून फिर्यादीच्या  जबाबावरून गु.र.नं.२३९/२०२५, भा.न्या.सं.२०२३ चे कलम ३१८(४), ३१६(२), ६१ (२) प्रमाणे दिनांक १/८/२०२५ रोजी ओतुर पोलीस स्टेशन येथे गुन्हा दाखल आहे.

उपरोक्त  आरोपी यांचेकडुन गुन्हा करताना वापरलेले वाहन प्रवासी रिक्षा (नं. एम. एच.०५. ई. एक्स. ९८४१) हे हस्तगत करणेत आले आहे.

या  गुन्ह्याचा अधिक  तपास सहाय्यक पोलिस निरीक्षक लहू थाटे  यांचे मार्गदर्शनाखाली पो. हवा. संदिप लांडे हे करत आहेत. अटक आरोपींना  शनिवार  दि. २ ऑगस्ट २०२५ रोजी जुन्नर येथील  प्रथमवर्ग न्यायदंडाधिकारी  जुन्नर यांचे  न्यायालयात  समक्ष हजर करणेत आले असता सदर आरोपींची ३ दिवस पोलीस कस्टडी मंजुर करण्यात आली आहे.

सदरची कारवाई पुणे ग्रामीण पोलिस अधीक्षक  संदिपसिंह गिल्ल, अप्पर पोलिस अधीक्षक रमेश चोपडे, जुन्नर उपविभागीय पोलिस अधिकारी  रवींद्र चौधर यांचे मार्गदर्शनाखाली ओतुर पोलीस स्टेशनचे सहाय्यक पोलीस निरीक्षक लहु थाटे, पोलीस हवलदार नामदेव बांबळे, भरत सुर्यवंशी, नदिम तडवी, शंकर कोबल,रोहीत बोंबले, अमोल शिंदे, संतोष भोसले, आशिष जगताप, स्थानिक गुन्हे शाखेचे फौजदार दिपक साबळे,  अक्षय नवले यांनी केली आहे.

राजेश भांगे ठाणे