कन्हान येथे आज “एक शाम सलमान अली के नाम” भव्य कार्यक्रमाचे आयोजन
मा.श्री आशिष जयस्वाल यांचा वाढदिवसा निमित्य कार्यक्रमाचे आयोजन
कन्हान प्रतिनिधि – ऋषभ बावनकर
कन्हान – जय मानवता सार्वजनिक बहुद्देशीय संस्था , शिवसेना मित्र परिवार रामटेक विधानसभा क्षेत्र , वर्धराज पिल्ले मित्र परिवार यांचा संयुक्त विद्यमाने रामटेक विधानसभा क्षेत्राचे लाडके आमदार मा.आशिष जयस्वाल यांच्या वाढदिवसा निमित्य आज सोमवार दिनांक ३ एप्रिल ला सायंकाळी ६:०० वाजता कानपुर केमिकल्स मैदानावर “एक शाम सलमान अली के नाम” भव्य रंगारंग कार्यक्रमाचे आयोजन करण्यात आले आहे .
या भव्य कार्यक्रमात सलमान अली व्यतिरिक्त नागपूर ची गायिका गौरी शिंदे आणि नृत्यांगना अंतरा पेदुलवारही आपले कलागुण दाखवणार आहेत. या प्रसंगी भाजप महाराष्ट्र प्रदेशाध्यक्ष मा.चंद्रशेखर बावनकुळे , रामटेक लोकसभा क्षेत्राचे मा.खासदार कृपाल तुमाने प्रमुख पाहुणे म्हणून उपस्थित राहणार आहेत . यावेळी रामटेक ग्रामीण भागातील सुमारे 300 युवक शिंदे सेनेत प्रवेश करून आमदार आशिष जयस्वाल यांना वाढदिवसाची भेट देणार आहेत . या भव्य रंगारंग कार्यक्रम लाईव्ह शो मध्ये जास्तीत जास्त नागरिकांनी कार्यक्रमात सहभागी होण्याचे आवाहन वर्धराज पिल्ले , निक्कु पिल्ले सह आदि आयोजकांनी केली आहे.
0 टिप्पण्या