हिंदुस्तान लिव्हर कंपनी ची संपुर्ण जागे संदर्भात मुख्यमंत्री यांचा कडे बैठक घेण्याची मागणी

हिंदुस्तान लिव्हर कंपनी ची संपुर्ण जागे संदर्भात मुख्यमंत्री यांचा कडे बैठक घेण्याची मागणी

सर्व पक्षीय नागरिक कृती समिती व व्यापारी संघटने चे केंद्रीय मंत्री नितिन गडकरी यांना निवेदन

कन्हान प्रतिनिधि – ॠषभ बावनकर

कन्हान – कन्हान शहरातील राष्ट्रीय महामार्गा वरील हिंदुस्तान लिव्हर कंपनी ची जमीन विक्री झाल्याने शहराच्या विकास कार्य आणि मुलभुत सुविधा वर प्रश्न निर्माण झाल्याने सर्व पक्षीय नागरिक कृती समिती व व्यापारी संघटने च्या पदाधिकाऱ्यांनी केंद्रीय मंत्री मा.नितिन गडकरी यांची भेट घेऊन चर्चा करुन तसेच एक निवेदन देऊन तात्काळ हिंदुस्तान लिव्हर कंपनी ची संपुर्ण जागे संदर्भात मुख्यमंत्री यांचा कडे बैठक घेण्याची मागणी केली आहे .

मागील कित्येक वर्षापासुन अनेक राजकीय आणि विविध सामाजिक संघटने च्या पदाधिकार्यांनी नगरपरिषद प्रशासनाला निवेदन देऊन हिंदुस्तान लिव्हर कंपनी च्या जमीनी वर मार्केट यार्ड, हाॅकर्स झोन, साप्ताहिक व गुजरी बाजार, भाजीपाला विक्रेता दुकानदार, बस स्टैंड आणि शहराच्या सर्वांगीण विकासाकरिता उपयोगात घेण्याची मागणी केली होती . परंतु नगर परिषद प्रशासनाने सदर विषया कडे गंभीर्याने लक्ष केंन्द्रीत न केल्याने हिंदुस्तान लिव्हर कंपनीची जमीन विकण्यात आली .

यामुळे शहराच्या सर्वांगीण विकास कार्या वर प्रश्न निर्माण झाले आहे. मागील कित्येक वर्षापासुन शहरात रिकामी जागा नसल्याने राष्ट्रीय चारपदरी महा मार्गावर फुटपाथ, गुजरी आणि साप्ताहिक बाजार भरत असल्याने नागरिकांना व दुकानदाराना जिव मुठीत घेऊन सामानाची खरेदी विक्री करावी लागत आहे. यास्तव विविध संघटने द्वारे अनेकदा नगर परिषद प्रशासना ला निवेदन देऊन ही प्रशासन झोपेतुन जागा न झाल्याने आज हिंदुस्तान लिव्हर कंपनी ची जागा बाहेरील काही लोकांना विकण्यात आल्याने शहरातील सर्वांगीण विकास कार्य आणि मुलभुत सुविधा वर आता प्रश्न निर्माण झाले आहे .

कन्हान शहराच्या सार्वजनिक मुलभुत गर्जा पूर्ण करण्यासाठी हिंदुस्तान लिव्हर कंपनी ची संपुर्ण जागा अति आवश्यक असल्याने सर्व पक्षीय नागरिक कृती समिती व व्यापारी संघटने च्या पदाधिकाऱ्यांनी केंद्रीय मंत्री मा.नितिन गडकरी यांची भेट घेऊन चर्चा करुन तसेच एक निवेदन देऊन तात्काळ हिंदुस्तान लिव्हर कंपनी ची संपुर्ण जागे संदर्भात मुख्यमंत्री यांचा कडे बैठक घेण्याची मागणी केली आहे .

या प्रसंगी मा. राजेश ठाकरे जिल्हा अध्यक्ष ग्रामविकास आघाडी , मा.अकरम कुरेशी अध्यक्ष व्यापारी दुकानदार संघ , सौ. शालिनी बर्वे उपाध्यक्ष भाजपा महीला आघाडी नागपुर ग्रामीण , मा. लिलाधर बर्वे अध्यक्ष भाजपा अनुसूचित जाती मोर्चा पारशिवनी तालुका , रिंकेश चवरे जिल्हा उपाध्यक्ष भाजपा अनु.जाती मोर्चा नागपुर ग्रामीण , मा.मनीष भिवगड़े गट नेता नगर परिषद कन्हान , मा. शैलेश शेळके संपर्क प्रमुख भाजपा पारशिवनी तालुका , कु. रेखाताई टोहने नगरसेवीका , मयूर माटे महामंत्री भाजपा अनु.जाती मोर्चा पारशिवनी तालुका , अमर मोहबे , सह आदि सामाजिक कार्यकर्ते उपस्थित होते .